800 миң адамдын өлүмүнө жооптуу адам каза болду

Эл аралык трибунал тарабынан 1994-жылы Руандадагы геноцидге катыштыгы бар деп айыпталган Фелисьен Кабуга Гаагадагы абакта 93 жашында каза болду. Бул тууралуу БУУнун Кылмыш трибуналдарынын эл аралык калдык механизми билдирди, деп жазат Reuters Кабуга 20 жылдан ашык издөөдөн кийин 2020-жылы Францияда кармалып, Нидерландияга экстрадицияланган. Тергөө аны жүз күндүн ичинде 800 миңден ашуун тутсилер менен орточо хутулар өлтүрүлгөн геноциддин негизги уюштуруучуларынын бири деп эсептеген. Прокурорлор ал хуту кошуундарын каржылаган жана Free Television and Radio Thousand Hills радиостанциясы аркылуу кастык маанайдагы сөздөрдү тараткан деп ырасташкан 2023-жылы сот Кабуганы акыл-эсинин бузулушуна байланыштуу сот процессине катышууга жөндөмсүз деп жарыялаган. Ал ошондой эле Руандага кайтып келүү үчүн өтө катуу оорулуу деп эсептелген. Аны кабыл алууга эч бир өлкө макул болбогондуктан, ал БУУнун Гаагадагы абагында калган. Сот Кабуганын өлүмүнө байланыштуу жагдайларды иликтөөнү тапшырганын билдирди Руанда геноциди, расмий түрдө тутси геноциди деп аталат, бул 1994-жылдын апрель-июль айларында Хуту өкмөтүнүн буйругу менен ишке ашырылган Руанда тутсилеринин геноциди. Жабыркагандардын жалпы саны өлкөнүн бардык калкынын 20 пайызын түздү. Геноцид Руанданын саясий элитасы тарабынан пландалган жана түздөн-түз армия, жандармерия, Интерахамве жана Импузамугамби топтору тарабынан ишке ашырылган, аларды бийлик жана карапайым калк колдогон