Украинага жана Жакынкы Чыгышка барбагыла! - Азербайжандарга ЧАКЫРЫК

Азербайжандын Тышкы иштер министрлиги (ТИМ) жарандарды чет өлкөлөргө барганда коопсуздук маселесине өзгөчө көңүл бурууга чакырды Modern.az кабарлагандай, Тышкы иштер министрлиги учурдагы эл аралык коопсуздук чөйрөсүндөгү чыңалуунун күчөшү, ошондой эле Украина жана Жакынкы Чыгышта уланып жаткан куралдуу кагылышуулар эл аралык тынчтык жана коопсуздук үчүн олуттуу коркунуч бойдон калууда деп билдирди Куралдуу кагылышуулар жана аскердик операциялардын натыйжасында кагылышуу болгон аймактарда же ал аймактарга жакын аймактарда азербайжандык жарандардын ар кандай деңгээлде каза болгондугу же жарадар болгону белгиленди. Бул мындай аймактарда коопсуздук коркунучтары өтө жогору экенин көрсөтүп турат Министрлик жарандарга чет мамлекеттерге барар алдында коопсуздук абалын кылдаттык менен карап чыгууну, расмий мамлекеттик органдардын эскертүүлөрүн жана сунуштарын эске алууну, чыр-чатактар жана аскердик операциялар жүрүп жаткан аймактарга баруудан качууну сунуштады Ошол эле учурда Тышкы иштер министрлиги азербайжан жарандарынын чет мамлекеттердин аймагындагы куралдуу кагылышууларга жана аскердик операцияларга акы төлөнүүчү же ыктыярдуу түрдө катышуусу мыйзамга ылайык кылмыш жоопкерчилигин жаратаарын баса белгиледи Азербайжандын чет өлкөлөрдөгү дипломатиялык өкүлчүлүктөрү жана консулдуктары жарандардын укуктарын жана кызыкчылыктарын коргоо багытында ишмердүүлүгүн улантып жатканы маалым болду Министрлик ошондой эле эл аралык кырдаалга байланыштуу процесстерге кылдаттык менен көз салып турганын белгиледи