Украинанын учкучсуз учактары Орусиянын эң ири химиялык заводдорунун бирине сокку урду

Украинанын учкучсуз учактары Орусиянын Тула облусундагы Новомосковск Азот химиялык заводуна кол салышты Бул тууралуу UNIAN орусиялык булактарга таянуу менен билдирди Маалыматка ылайык, кол салуудан улам ишкананын аймагында өрт чыккан. Жергиликтүү тургундар бир нече жардырууларды укканын айтышты. Тула облусунун губернатору Дмитрий Миляев да учкучсуз учактын чабуулу болгонун тастыктады Маалым болгондой, «Новомосковск азот» Россиядагы эң ири химиялык ишканалардын бири. Завод аммиак, азоттук жер семирткичтер, метанол, хлор, азот кислотасы жана башка химиялык продуктыларды чыгарат. Ишкана "ЕвроХим" компаниялар тобуна кирет Алдын ала маалымат боюнча, окуянын кесепетинен каза болгондор жок, эки адам жеңил жаракат алган Белгилей кетсек, бул "Новомосковск азот" заводуна акыркы апталарда болгон биринчи кол салуу эмес. Буга чейин ишкана пилотсуз учактардын чабуулдарына кабылып, ишмердүүлүгү убактылуу токтотулганы кабарланган