Орбан анын жеңилиши үчүн Зеленскийди күнөөлөдү

Венгриянын тышкы иштер министри Петер Сиярто "эч качан Орусиянын кызыкчылыгына кызмат кылган эмес" деп билдирди. Бул тууралуу ал Telex интернет басылмасына берген маегинде билдирди Журналисттер Сияртодон анын ишмердүүлүгүн чыккынчылык деп эсептейби деп сурашты жана Москвага каршы санкциялар талкууланган Евробиримдик Кеңешинин жыйындарынын ортосундагы тыныгууда Орусиянын тышкы иштер министри Сергей Лавровго үзгүлтүксүз телефон чалып жатканын кыйытты "Бул мени катуу оорутат. 11 жылдан бери мен Орусия менен нормалдуу, прагматикалык мамилелерди куруу үчүн иштеп келе жатам", - деп жооп берди ал Сиярто Венгрия орусиялык арзан энергияны колдонуудан “пайда” алганын кошумчалады. Анын айтымында, ал орусиячыл саясатчы эмес, дайыма Венгриянын кызыкчылыгын гана жетекчиликке алып келген. "Кимдир-бирөөнү чыккынчылыкка айыптоо - бул өтө олуттуу маселе", - деп баса белгиледи Тышкы иштер министри Эске салсак, март айында The Washington Post гезити европалык коопсуздук боюнча жогорку даражалуу аткаминерге шилтеме жасап, Петр Сиярто россиялык кесиптеши Сергей Лавровго Евробиримдиктин жолугушууларынын жүрүшү тууралуу такай маалымат берип турганын жазган. Басылманын маектешинин айтымында, Сиярто тыныгууларда Лавровго кайра-кайра телефон чалып, «талкууланган нерсе жана кабыл алынышы мүмкүн болгон чечимдер тууралуу ыкчам баяндамаларды» берген Кийинчерээк Венгриянын Тышкы иштер министрлигинин башчысы Евробиримдиктин Тышкы иштер кеңешинин деңгээлиндеги жолугушууларда Лавров менен чындап байланышта болгонун ырастап, сүйлөшүүлөрдү жүргүзүү дипломатиянын маңызы экенин баса белгиледи Кошумчалай кетсек, The Insider Венгрия менен Орусиянын тышкы иштер министрлеринин телефон сүйлөшүүлөрүнүн жазууларын жарыялаган. Бул маалыматтарга ылайык, Лавров 2024-жылдын 30-августунда сүйлөшүү учурунда Сияртодон орусиялык олигарх Алишер Усмановдун эжеси Гүлбахор Исмаилованы Евробиримдиктин санкциялык тизмесинен чыгарууну өтүнгөн. Буга жооп катары Венгриянын тышкы иштер министри жардам берүүгө убада берди Сиярто ошондой эле Венгриядагы шайлоонун жыйынтыгы украин лидери Владимир Зеленскийдин “эркине жооп берерин” белгиледи, анткени украин тарап Фидес партиясынын жеңилишине түздөн-түз кызыкдар Ал Венгриянын орус-украин согушуна тартылбашын тилей турганын баса белгилеп, “согуштар дооруна” өтүү боюнча жалпы дүйнөлүк тенденцияга тынчсыздануусун билдирди. Сиярто ошондой эле Орусиянын Украинага кол салышын айыптай турганын, бирок учурда негизги милдет "аскердик жаңжалды мүмкүн болушунча тезирээк токтотуу" экенин кошумчалады