Трамп Чагос аралдарын Маврикийден сатып алууну ойлонуп жаткан имиш

Британиянын аймактагы эгемендүүлүктү өткөрүп берүү пландары токтотулгандан кийин Дональд Трамп башкаруучулугунун Чагос аралдарын Маврикийден сатып алуу планын карап жатканы айтылды. Англиялык басма сездун билдируулеруне Караганда, кеп чара Диего-Гарсия аскердик базасын тузден-туз контролдукка алууну максат кылат Ак үй потенциалдуу сатып алуу планына байланыштуу айыптоолор боюнча суроолорго жооп берген жок Билдирүүгө ылайык, бул планда АКШнын администрациясы британ бийликтерин кыйгап өтүп, аралды сатып алуу жана биргелешкен Диего-Гарсия аскер базасын өз алдынча башкарууну көздөйт Бирок, бул үчүн аралдар адегенде суверендүү статуска ээ болушу керек жана АКШ Маврикий менен түз сатып алуу сүйлөшүүлөрүн жүргүзүшү керек. Британиянын аралдарды Маврикийге өткөрүп берүүсүн караган мыйзам долбоору АКШ апрель айында колдоосун алып салгандан кийин токтоп калган Аралдарды сатып алуу идеясы АКШ тарабынан бааланган бир нече сунуштардын бири экени айтылды. Бул планды Трампка АКШнын каржы министри Скотт Бессент сунуштаганы, бирок ал учурда эң күчтүү вариант эмес экени кабарланган. Трамп башкаруусундагы кээ бир жооптуу кызматкерлердин эгер аралдардын Кытайдын союздашы Маврикийге берилиши тыңчылык иш-аракеттерине жол ачышы мүмкүн деп тынчсызданганы белгиленди Бир тараптан өткөн жумада Англияга барган Чагос качкындарынан турган делегация, маселенин Британия саясатында такалып калганын билдирди Чагос качкындар тобунун алты кишиден турган делегациясы аралдардын келечеги боюнча келишимге жетишүү үчүн Улуу Британияны толук колдой тургандыктарын жарыялашты. Делегациянын лидери Луи Оливье Банкулт : "Эң негизгиси биздин укуктарыбыз. Британ өкмөтүндө элибиз үчүн чечим табууга реалдуу эрк жок. Биз бир жолду табышыбыз керек, дагы эле азап чегип жатабыз жана биздин позициябыз ачык; туулган жерибизде жашоого укугубуз бар" деди АКШнын Чагос аралдарын сатып алуу мүмкүнчүлүгүн көтөрүшү АКШ-Израиль менен Ирандын ортосунда февралдын аягынан бери уланып жаткан согуштун ортосунда болду Инди океанынын борборунда жайгашкан Диего Гарсиа базасы Ирандан болжол менен 3800 километр алыстыкта жайгашкан жана АКШ өзүнүн алыс аралыкка учуучу ракеталарын жайгаштыра ала турган авиабазага ээ Согуш башталгандан бери Иран биргелешкен базага бир нече жолу кол салууга аракет кылды. Бул чабуулдардын бири марттын аягында америкалык согуштук кеме тарабынан токтотулган. Март айында Британия АКШга Ирандын ракета аткычтарын ушул биргелешкен база аркылуу атууга уруксат берген. Трамп бул чечимди “көптөн кечиккен” деп сыпаттады жана британ аткаминерлери бул кадамды эртерээк жасашы керек болчу деп ырастады Ирандын тышкы иштер министри Аббас Аракчи өзүнүн социалдык медиа баракчасына жазган билдирүүсүндө Британиянын премьер-министри Кейр Стармерге эскертүү берип, «Сиз британ базаларынын Иранга каршы агрессия үчүн колдонулушуна уруксат берүү менен британ элинин өмүрүн коркунучка салып жатасыз»,- деди Тема боюнча билдирүү жасаган Англия өкмөтүнүн катчысы, Диего Гарсиядагы аскердик базанын үстүнөн Англиянын көзөмөлү коркунуч алдында турган абалды өз көзөмөлүнө алгандарын белгилеп: «Улуттук кызыкчылыктарды коргоо жана душмандарыбыздын бул стратегиялык чекитте орун алышына жол бербөө үчүн чара көрүлүшү керек эле»,-деди "Диего Гарсиа 60 жылга жакын убакыттан бери биздин жамааттык коопсуздукту коргоп келген негизги стратегиялык аскердик актив", - деди ал. Эгер АКШ каршы чыкса эгемендүүлүктү өткөрүп берүү келишимин улантабы деген суроого өкмөттүк булактар: «АКШнын колдоосусуз алдыга жылбай турганыбызды ар дайым ачык айтып келгенбиз»,- деп жооп беришти