Трамп: Иран жакшыраак сунуш бербесе, андан да катуу сокку болот

АКШ менен Ирандын ортосундагы саясий жана аскердик кризисте тараптар кайрадан кагылышууга киреби же жокпу деген кооптонуулар күч алууда АКШнын президенти Дональд Трамп АКШда жайгашкан Axios маалымат сайтына берген эксклюзивдүү маегинде Иран менен сүйлөшүү процесси тууралуу маанилүү билдирүүлөрдү жасады. Трамп "Иран үчүн убакыт аз калды" деген билдирүүсүн кайталап, эгер Вашингтонго жакшыраак сунуш киргизбесе, Иранга "бир топ катуу сокку ураарын" айтты. Трамп: "Биз келишим түзүүнү каалайбыз. Алар биз каалаган жерде эмес. Ал жакка жетиши керек, антпесе катуу сокку болот жана муну каалабайт" деди Axios да эки америкалык аткаминерге таянып, Ирандын өзөктүк программасына байланыштуу Трамптын талаптарынын маанилүү бөлүгүн четке какканы жана олуттуу жеңилдиктерге барбаганы үчүн согуш ыктымалынын кайрадан ортого чыкканын кабарлады. Расмий өкүлдөр Трамптын Иран менен келишим түзүү үчүн компромисс издөөсүн улантууну каалаганын, бирок учурдагы окуялардан улам аскерий варианттардын кайрадан үстөлгө коюлганын белгилешти. Бул контекстте Трамптын шейшемби күнү Ак үйдөгү кырдаал бөлмөсүндө жогорку даражалуу улуттук коопсуздук тобу менен жолугуп, мүмкүн болуучу аскердик варианттарды баалоосу күтүлүп жатканы айтылды Маалымат булактары ошондой эле Трамптын акыркы сааттарда Израилдин премьер-министри Биньямин Нетаньяху менен телефон аркылуу сүйлөшүп, Иранга байланыштуу кырдаалды баалаганын белгиледи. АКШ президентинин кечээ Вирджиниядагы гольф оюнунда улуттук коопсуздук тобу менен жабык эшик артында жолугушканы жана Иранга байланыштуу темалардын сүйлөшүлгөнү айтылды. Жыйынга АКШнын вице-президенти Жеймс Дэвид Вэнс, Трамптын Жакынкы Чыгыш боюнча атайын өкүлү Стив Виткофф, мамлекеттик катчы Марко Рубио жана ЦРУнун директору Жон Рэтклифф катышканы белгиленди Бир тараптан Трамп жакында социалдык медиа эсебинен бөлүштү: "Иран үчүн убакыт өтүп баратат жана алар абдан тез аракет кылышы керек, антпесе алардан эч нерсе калбайт. Убакыт абдан маанилүү." Кечээ бороондуу деңизде сүзүп бараткан ирандык согуштук кемелерди көрсөткөн жасалма интеллект чыгарган сүрөтүн бөлүшүп, Трамп: «Бул бороондун алдындагы тынччылык болчу»,-деп жазды Бир тараптан Иран басма сөзүндө орун алган кабарларда АКШ сунуш кылган шарттарда Иранга эч кандай компенсация төлөбөй турганы, Иран бөгөттөлгөн мүлктөрүн кое бербестиги, Иранда бир гана өзөктүк объектинин иштеши, 400 килограмм байытылган урандын Ирандан чыгарылып, АКШга жеткирилери жана согуштун бардык фронттордо бүтөөрү айтылган Кабарда сөз кылынган шарттар кабыл алынган күндө да АКШ менен Израилдин кол салуу коркутууларынын улана турганы айтылып, адистердин АКШ сунуштаган планын «согуш учурунда жете албаган максаттарга сүйлөшүү жолу менен жетүү аракети» катары баалаганы белгиленди Ирандын басма сезу ошондой эле суйлешуулер учун Иран койгон алдын-ала шарттарды, ошондой эле Кошмо Штаттар алдыга койгон шарттарды жарыялады. Кабарда Иран кандайдыр бир сүйлөшүүлөрдү баштоону ишенимди бекемдөөчү 5 шарттын аткарылышын шарттаганы белгиленди. Буга ылайык, Иран башкаруучулугунун согуштун бардык фронттордо, өзгөчө Ливанда бүтүшүн, Иранга каршы санкциялардын жоюлушун, бөгөттөлгөн ирандык мүлктөрдүн бошотулушун, согуштан улам келтирилген зыяндын ордун толтуруусун жана Ирандын Ормуз кысыгы боюнча эгемендик укугунун кабыл алынышын каалаганы белгиленди