Түркияда Азербайжан кино күндөрү өтүүдө

Түркияда Азербайжан кино күндөрү өтүүдө Бул тууралуу 525.az агенттигине Азербайжан Республикасынын Кино агенттиги билдирди Маалым болгондой, долбоор Азербайжандын Маданият министрлиги, Түркиянын Маданият жана туризм министрлиги, Кино агенттиги жана Азербайжандын Түркиядагы элчилигине караштуу Азербайжан маданият борборунун биргелешкен кызматташуусу менен түзүлгөн 5-майда саат 14:00дө Эге университетинде иш-чаранын программасынын ачылыш аземи жана биринчи тасма көрсөтүлдү Ачылышта көрүүчүлөргө жаңы азербайжандык “Наргин: Аягына чейин сырдуу” тасмасы тартууланат. Документалдуу экран чыгармасы Азербайжан тарыхынын маанилүү, бирок аз изилденген барактарынын бирине жарык чачат Айрыкча, фильмде Биринчи дүйнөлүк согуш маалында Бакуга жакын жайгашкан Каспий деңизиндеги Наргин аралында болгон окуялар, ал жактагы Осмон туткундарынын катаал турмушу чагылдырылган. Сценарийде азербайжан түрктөрүнүн түрк боордошторуна эң оор тарыхый доорлордо да жардам берүү үчүн көрсөткөн жан аябастыгы баса белгиленип, достук жана бир туугандык байланыштарынын эң оор сыноолордон дагы бекемделгени баса белгиленет Программанын алкагында “Бута”, “Бейиш кыялы” жана “Жеңиш бийи” тасмалары да көрсөтүлөт