Пакистанда үчүнчү аракет

Вашингтон менен Тегерандын ортосундагы сүйлөшүүлөрдүн жаңы айлампасы келерки аптада Исламабадда өтүшү мүмкүн. Бул тууралуу The Wall Street Journal (WSJ) булактарына таянып жазып чыкты Белгиленгендей, АКШ жана Иран ортомчулар менен бир айдын ичинде согушту токтотуу боюнча сүйлөшүүлөрдүн шарттарын аныктай турган өз ара түшүнүшүү меморандумунун үстүндө иштеп жатат. Сүйлөшүүлөр Исламабадда келерки аптада эле кайра башталышы мүмкүн, деп жазат гезит Эгерде тараптар алдыга жылышса, алгачкы бир айлык мөөнөт өз ара макулдашуу боюнча узартылышы мүмкүн, деп жазат басылма Жума күнү Саудиянын Al Arabiya телеканалы дипломатиялык булакка таянып, Пакистандын ортомчулугу менен өтүп жаткан консультациянын катышуучулары “согушту токтотуу, Ормуз кысыгын ачуу жана АКШ тарабынан Ислам республикасынын блокадасын жеңилдетүү боюнча өз ара түшүнүшүү меморандумуна көңүл бурганын” билдирди. Ошол эле учурда каналдын булагы "сүйлөшүүлөр процесси оор, тоскоолдуктар дагы деле бар" деп билдирди 2026-жылдын апрель айында Пакистандын ортомчулугу менен Исламабадда АКШ менен Ирандын ортосундагы жаңжалды жөнгө салууга багытталган сүйлөшүүлөр болгон. Кыйыр сүйлөшүүлөр 11-12-апрелде болуп, Пакистан АКШ менен Ирандын делегацияларынын ортосунда ортомчу болгон. Диалогдо жогорку чыңалуу орун алганы айтылды. Апрель айынын аягында экинчи тур болуп, иш жүзүндө жыйынтыксыз аяктаган