Ысык-Көлгө баруучу унаа жол жүрүү үчүн ачык

Балыкчы - Ананьево - Каракол унаа жолу каттам үчүн ачык Өзгөчө кырдаалдар министрлигинин маалыматына караганда, 6-июнь күнү саат 00:52ге карата сел жүрүп, ылай, таш массаларын басып калган жолдун 92-чакырымы атайын техникалар тарабынан тазаланып, унаалардын кыймылы калыбына келтирилип, эки тарапка тең ачык Учурда жолду кеңейтүү жана толук тазалоо, ошондой эле жол кыймылынын коопсуздугун камсыздоо иштери уланууда Эске сала кетсек, 5-июнь күнү саат 20:00 чамасында Чолпон-Ата шаары менен Булан-Сөгөттү айылынын ортосундагы тилкеде сел жүргөн. Алар чоң жолду тосушту. Окуяга күбө болгондор көлдү көздөй бир нече унааны агызып кеткенин айтышкан. Окуянын кесепетинен бир адам каза болгон