Трамп Ирандын талабына кыжырданган

Президент Дональд Трамптын нааразычылыгын жараткан факторлордун бири Ирандын согуштан келтирилген зыяндын ордун толтуруу талабы экенин АП агенттиги аймактык дипломаттарга таянуу менен билдирди Маалымат булактары белгилегендей, калыптанып калган салт боюнча репарация жеңилген тарап тарабынан төлөнөт. Трамп Ирандын сунуштарында “репарация” деген терминдин пайда болушунан өтө этият, анткени мындай формулировка менен макулдашуу АКШнын жеңилгенин моюнга алуу катары каралышы мүмкүн Дипломаттардын бири Пакистан учурда АКШ менен Ирандын ортосундагы өз ара түшүнүшүү меморандумуна ортомчулук кылуунун үстүндө иштеп жатканын кошумчалады. Документтин максаты - согушту токтотуу жана чечиле элек маселелер боюнча кеңири диалогду улантуу Анын айтымында, Исламабад региондогу башка мамлекеттердин колдоосуна ээ. Премьер-министр Шахбаз Шариф, тышкы иштер министри Исхак Дар жана армиянын кол башчысы фельдмаршал Асим Мунир кагылышуудагы эки тарап менен, ошондой эле аймактык өкмөттөр менен байланышта. Алардын аракеттери ок атышпоону сактоого, акыры согушту токтотууга жана тараптардын келерки аптада бетме-бет сүйлөшүүлөрдү өткөрүү боюнча макулдашуусуна жетишүүгө багытталган