Трамп эгер Иран менен согушса Израилден колдоо алаарын эскертти

Дональд Трамп Израилдин премьер-министри Биньямин Нетаньяхуга Иран менен жаңжалдын мындан ары күчөшүнүн мүмкүн болуучу кесепеттери тууралуу эскерткенин айтты. Бул тууралуу АКШ президенти Израилдин N12 телеканалына берген маегинде билдирди "Мен ага айттым: Биби (Нетаньяхунун мектеп ылакап аты - Азаттык), сен кылган ишиңде өтө этият болушуң керек, анткени жакында Иранга каршы жалгыз калышың мүмкүн", - деди Трамп АКШ президентинин айтымында, 7-июндагы телефон сүйлөшүүсүндө ал Нетаньяхудан Ирандын ракеталык чабуулдарына жооп бербөөнү суранган. Кийинчерээк, Трамптын айтымында, израилдик тарап Вашингтонго боло турган операция тууралуу кеч баскычта кабарлаган "Израилдиктер бизге өтө кеч баскычта маалымат беришти. Алар Иранды көздөй бара жатышты. Мен чабуулдун масштабын азайта алдым", - деди америкалык президент Трамп ошондой эле 8-июнь күнү эртең менен Иран өкүлдөрү ортомчулар аркылуу Израилге кол салууларды токтотууга убада берип, Вашингтондон Израилдин жетекчилигине таасир этүүнү суранганын айтты "Мен Бибиге чалып, аны токтотууга мажбур кылдым" деди америкалык президент Ошол эле маалда Трамп Тегеран менен келишим түзүүгө кызыкдар экенин жана Иран дагы ага “кол коюуга кызыкдар” деп эсептей турганын баса белгиледи 7-июнда Иран Израилге каршы ракеталык чабуулдарды Израилдин Бейруттун чет жакасындагы Хезболла объектилерине жасаган чабуулунан кийин баштаган. Израил жооп иретинде Ирандагы аскерий объектилерге сокку урду. 8-июнда Тегеран чабуулдарын токтотконун, Израил болсо Иранга сокку урууну токтотконун жарыялап, Хезболлага каршы операцияларды өз ордунда калтырды. Бул иранчыл топ АКШ менен Израилде террорчу деп эсептелет. Евробиримдик "Хезболланын" аскерий канатын гана террорчу деп тааныйт, бирок саясий партияны тааныбайт Azattyk Asia © 2026 RFE/RL, Inc. | Бардык укуктар корголгон