Трамп: Иранга кайталанган кол салуулар олуттуу экономикалык көйгөйлөргө алып келет

АКШнын Иранга каршы масштабдуу аскерий аракеттерин кайра баштоо кымбатка турган кадам жана Ормуз кысыгынын узак мөөнөткө жабылышына алып келиши мүмкүн Бул тууралуу АКШ президенти Дональд Трамп ABC News телеканалына берген маегинде билдирди "Менин эң жакын досторумдун айрымдары мени кайрадан жардырууну каалашат, бирок алар түшүнүшпөйт", - деди АКШ лидери кимди айткысы келгенин тактабастан Анын айтымында, соккуларды кайра баштоо олуттуу экономикалык кесепеттерге алып келет жана Ормуз кысыгы бир нече айга жабык бойдон калышы мүмкүн Эске сала кетсек, 28-февралда АКШ менен Израил Иранга каршы аскердик операциясын баштап, бир катар шаарларга абадан сокку урулган. Ошол күнү Ирандын жогорку лидери Али Хаменеи өлтүрүлгөн. Буга жооп кылып Иран Израилдин аймагына жана Перс булуңундагы өлкөлөрдөгү АКШнын аскерий базаларына чабуул жасады Иран, АКШ жана алардын союздаштары 8-апрелге караган түнү ок атышпоо келишимине жетишти.Трамп кийин ок атышпоо келишимин белгисиз мөөнөткө узартты Тараптар Пакистанда жаңжалды жөнгө салуу боюнча сүйлөшүүлөрдү жүргүзгөн, бирок 11-12-апрелде өткөн биринчи айлампада эч кандай жыйынтык чыккан эмес АКШ Тегеранга кысым көрсөтүү үчүн Ирандын портторун жана Ормуз кысыгы аркылуу өтүүчү жолдорду блокадага алды. Иран өз кезегинде Перс булуңуна бара турган кемелер үчүн Ормуз кысыгын жаап салганын жарыялады. Аймактагы динамикалуу өзгөрүп жаткан кырдаал глобалдык энергетикалык кризисти жаратты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат