Төрөбаев трансулуттук корпорацияларды Кыргызстанга инвестиция салууга чакырды

Кыргыз Республикасынын Президентинин атайын тапшырмалар боюнча атайын өкүлү Бакыт Төрөбаев дүйнөдөгү трансулуттук корпорацияларды Кыргызстанда активдүү кызматташууга чакырды. Бул тууралуу ал Циндаодо өткөн трансулуттук корпорациялардын лидерлеринин 7-саммитинде билдирди Ал өз сөзүндө Кыргызстан менен Кытайдын ортосундагы мамилелер стратегиялык өнөктөштүктүн алкагында өнүгүп жатканын белгиледи. Анын айтымында, 2025-жылдын аягына чейин эки өлкөнүн ортосундагы соода жүгүртүү рекорддук деңгээлге жетип, 27 миллиард долларга жеткен Төрөбаев саммиттин катышуучуларына Кыргызстанда жүргүзүлүп жаткан реформалар тууралуу маалымат берди. Алар өнөр жайды өнүктүрүү, инфраструктураны модернизациялоо, энергетика тармагын чыңдоо жана өлкөнүн инвестициялык жагымдуулугун жогорулатуу маселелерин талкуулашты Ошондой эле Кыргыз Республикасын 2030-жылга чейин өнүктүрүүнүн Улуттук программасынын негизги багыттары көрсөтүлдү. Приоритеттерге транспорттук долбоорлор, энергетика, билим берүү жана саламаттыкты сактоо кирет. Темир жол инфраструктурасын өнүктүрүүгө, энергиянын кайра жаралуучу булактарын курууга жана өндүрүштүк кубаттуулуктарды кеңейтүүгө өзгөчө көңүл бурулууда Саммитте ошондой эле кыргыз-кытай кызматташтыгынын келечеги жана Кыргызстандын Шанхай кызматташтык уюмуна төрагалык кылуусунун алкагында боло турган иш-чаралар талкууланды