Токаев Казакстандын мамлекеттик символикасын колдонуу эрежелерин өзгөртүүнү тапшырды

Мамлекеттик символдор күнүндө Мамлекеттик тууну көтөрүү аземинде сүйлөгөн сөзүндө Касым-Жомарт Токаев мамлекеттүүлүктү жана патриоттуулукту бекемдөөдө мамлекеттик символдордун өзгөчө ролун баса белгиледи Мамлекет башчысы март айында казакстандыктар жалпы элдик референдумда өлкөнүн негизги баалуулуктары – аймактык бүтүндүктү, эгемендүүлүктү, жарандардын укуктары менен эркиндиктерин бекемдеген жаңы Конституцияны колдошкондугун эске салды Президенттин айтымында, жаңыланган Негизги мыйзамда мыйзамдуулукту сактоо, билим берүүнү, илимди жана техниканы өнүктүрүү, айлана-чөйрөнү коргоо жана волонтердук ишмердүүлүктү колдоо конституциялык милдеттер катары аныкталган Токаев Конституция ошондой эле ар бир жаранды мамлекеттик символдорду сыйлоого милдеттендирерин белгиледи «Ошондуктан аларды аздектөө, албетте, патриоттук духтун эң жогорку өлчөмү», - деди мамлекет башчысы Президент бул патриотизм өлкөнүн коопсуздугунун жана аймактык бүтүндүгүнүн кепилдиги экенин, ал эми мамлекеттик символдордун беделин бекемдөө мамлекеттик маанидеги милдет экенин белгиледи Буга байланыштуу Токаев учурдагы регламентке алдыдагы өзгөрүүлөрдү жарыялады "Жакынкы арада өкмөт мамлекеттик символикаларды колдонууну жөнгө салган токтомго өзгөртүү киргизет. Мамлекеттик символдорубузду сыйлоо жалпы милдет, ар бир жарандын милдети, акыры бул мамлекетти сыйлоонун көрүнүшү", - деп белгиледи Президент Мамлекет башчы мамлекеттик символдорду колдонуу эрежелерине кандай өзгөртүүлөр киргизилерин тактаган жок. Тийиштүү өзгөртүүлөр өкмөт тарабынан даярдалгандан кийин толук маалымат күтүлүүдө