Токаев атактуу америкалык маалымат каражаттарында жаңы Конституция тууралуу макаласын жарыялады

Казакстандын президенти Касым-Жомарт Токаев 30-мартта америкалык The National Interest журналына жаңы Конституция жана өлкөдөгү саясий реформалар тууралуу макаласын жарыялады Материалда мамлекет башчысы жакында өткөн референдумду Казакстандын эгемендүүлүк жылдарындагы трансформациясынын негизги этаптарынын бири деп атап, конституциялык жаңылануу коомдун мыйзамга негизделген адилет мамлекетке, укуктарды жана эркиндиктерди коргоого, модернизациялоо жана технологиялык өнүгүүгө болгон талабын чагылдырарын белгиледи Макалада келтирилген маалыматтарга караганда, референдумга шайлоочулардын 73,12%ы катышып, 87,15% жаңы Конституцияны колдоп добуш беришти. Токаев документ мамлекеттин светтик мүнөзүн бекемдей турганын, адам укуктарынын, турак жайдын кол тийбестигинин, жеке турмуштун жана жеке маалыматтардын кепилдиктерин бекемдей турганын, ошондой эле негизги мыйзамга келечектеги өзгөртүүлөр жалпы элдик референдумда бекитилиши керек деп жазган Макаланын өзүнчө блогу жаңы институттук архитектурага арналган. Президент жаңы Конституция “Күчтүү Президент, таасирдүү парламент жана жоопкерчиликтүү өкмөт” моделин бекемдейт деп ырастайт. Басылма ошондой эле президенттик квотаны жоюу, бир палаталуу парламентке – Курылтайга өтүү, Элдик кеңешчи – Элдик кеңешти түзүү, вице-президенттик кызматты киргизүү жана негизги мамлекеттик кызматтарга мөөнөткө чектөө киргизүү тууралуу да сөз кылат Токаев ошондой эле конституциялык өзгөртүүлөрдү экономикалык жана инвестициялык күн тартиби менен байланыштырат. Макалада жацы Негизги Закон менчикти жана интеллектуалдык укуктарды коргоону кучетууге, чарбалык иштин айкын-ачык эрежелерин белги-лееге жана тез енугуп жаткан региондордо езгече укуктук режимдерге шарттарды тузууге тийиш экендиги белгиленген. Президент Казакстан Борбордук Азияга бардык түз чет өлкөлүк инвестициялардын 70%га жакынын тартып жатканын жана санариптик мамлекетке жана инновациялык экономикага өтүүнү тездетүүгө ниеттенип жатканын баса белгиледи Президент макаласынын аягында 1995-жылкы Конституция Эгемендүүлүктү сактап калуу жана бекемдөө милдеттери менен байланыштырылса, 2026-жылкы Конституция анын баамында бышып жетүүнүн, жаңылануунун жана келечекке багыт алуунун документи болушу керектигин жазат. Ал ошондой эле 15-мартты Казакстандын Конституция күнү катары белгилөө сунушталып жатканын айтты - анын айтымында, өлкө тарыхый тандоо жасаган күндү эскерүү