Эми Европа Иран менен сүйлөшүүлөрдү баштады

Европа өлкөлөрү Иран менен кемелердин Ормуз кысыгы аркылуу өтүшүнө уруксат берүү боюнча сүйлөшүүлөрдү жүргүзүп жатканын Ирандын мамлекеттик телеканалы ишемби күнү AFP агенттигине шилтеме берип кабарлады. Бул стратегиялык маанилүү соода жолу Жакынкы Чыгыштагы согуштан улам эки айдан ашык убакыттан бери жабылып турат Иран телеканалы “Азия өлкөлөрүнүн, анын ичинде Кытай, Жапония жана Пакистандын кемелери (Ормуз кысыгы аркылуу – ред.) өткөндөн кийин, Европа өлкөлөрү Ислам революциясынын сакчылар корпусунун (Иран) деңиз флоту менен кысыктан өтүү боюнча сүйлөшүүлөрдү баштаганын” кабарлады. Бул сүйлөшүүлөргө катышкан өлкөлөрдүн аты аталган жок Израил менен АКШнын Иранга каршы аскердик операциясы башталгандан жана деңиз аркылуу ташылган мунайдын 30%га жакынын түзгөн Ормуз кысыгы жабылгандан кийин чийки заттын дүйнөлүк баасы көтөрүлдү. Мындан өзгөчө Евробиримдик өлкөлөрү жабыркады, ошондуктан европалыктардын кызыкчылыгын түшүнсө болот Ишемби күнү Иран парламентинин Улуттук коопсуздук комиссиясынын төрагасы Ибрагим Азизи Иран Ормуз кысыгында белгиленген маршрут боюнча навигацияны жөнгө салуу механизмин даярдаганын жана жакында жарыялай турганын билдирди