Ташкентте Өзбекстан-Гонконг бизнес форуму өттү

Иш-чарага Өзбекстандын Соода-өнөр жай палатасынын төрагасы Даврон Вахабов жана Гонконгдун сооданы өнүктүрүү кеңешинин төрагасы Фредерик Ма катышты. Алар бул диалог Өзбекстандын ишкерлеринин үстүбүздөгү жылдын 4-7-майында Гонконгго жасаган жемиштүү сапарынын логикалык уландысы экендигин баса белгилешти Форумга эки өлкөдөн 100дөн ашык ири бизнес өкүлдөрү жана инвесторлор катышты. Негизги көңүл эки тараптуу сооданын көлөмүн көбөйтүүгө бурулду. Сүйлөшүүлөрдүн жүрүшүндө тараптар Өзбекстандын өнөр жай жана айыл чарба продукцияларынын Гонконг аркылуу Түштүк-Чыгыш Азия рынокторуна чыгуу келечегин, ошондой эле Өзбекстандын экономикасына чет элдик инвестицияны тартууну талкуулашты. Тараптар каржы, логистика, жогорку технологиялар жана санариптик кызматтар боюнча кызматташуу мүмкүнчүлүктөрүн карашты. Гонконгдун эл аралык каржы борбору катары статусу жана Өзбекстанда жүргүзүлүп жаткан масштабдуу экономикалык реформалар өнөктөштүктү өнүктүрүү үчүн бекем пайдубал түзөрү белгиленди Зиёвуддин Нуриддинов, Ойбек Давронов, УзА