Тарыхый жолугушуунун орду жарыяланды

Швейцариянын Бургенсток шаарында мурда жарыяланган келишимдерге кол коюу үчүн АКШ менен Иран өкүлдөрүнүн жолугушуусу өтөт Бул тууралуу Швейцариянын Тышкы иштер министрлигинин басма сөз катчысы Пьер Ален Элчингер билдирди "Акыркы бир нече күндө Тышкы иштер министрлиги АКШ, Иран, Пакистан жана Катар менен Швейцарияда АКШ менен Ирандын ортосунда өз ара түшүнүшүү жөнүндө меморандумга кол коюу маселеси боюнча тыгыз байланышта болду. Бул документке кол коюу ушул тапта жума күнү, 19-июнда, Нидвальден кантонунун Бургенсток шаарында өткөрүлмөкчү", — деди ал ТАСС агенттигине Элчингер белгилегендей, жолугушуунун орду ортомчулар – Пакистан менен Катар, ошондой эле АКШ менен Иран тарабынан сунушталган. Ал кошумчалагандай, Швейцария бул сүйлөшүүлөрдө ортомчу болуп, бул жолугушууну Швейцария жеринде өткөрүү үчүн дипломатиялык шарттарды түзөт. Жыйынга даярдык азыртадан кызуу жүрүп жатат. Курорт шаарындагы бардык мейманканалар жекшембиге чейин брондолгон