Талиева: Предметтик мугалимдер кабинеттерин оңдоп-түзөөгө аргасыз

Депутат Камила Талиева мектептердеги класстарды оңдоого шарт түзүүнү талап кылууда Жогорку Кеңештин 3-июндагы жыйынында ал мектептерди оңдоого республикалык бюджеттен каражат бөлүнгөнүн, бирок ишти жүргүзүүдө бирдиктүү система жок экенин белгиледи «Кээ бир аймактарда математика, химия, физикадан сабак берген предметтик мугалимдер жана өзүнчө класстары барлар имаратты өздөрү оңдоого аргасыз болуп, «өзүңөр оңдоп бергиле» деп жатышат. Ремонтчуларга, жалпы жумушчуларга акча бөлүнгөндүктөн, райондук, шаардык билим берүү бөлүмдөрү тарабынан каражат кайда жумшалып жатканы белгисиз! Мугалимдер ремонтко тартылбашы керек, алардын дагы бир милдети бар – балдарды окутуу, тарбиялоо. Мугалимдердин айлыгы көбөйүүдө. Ремонт маселесин чечүүгө мүмкүн эмеспи? Башка аймактарда губернаторлордун деңгээлинде маселе чечилди», - деди Талиева