Кургатылган өрүккө жамынган 13 кг героинди алып өтүүгө аракет кылган шектүүлөр кармалды (видео)

Бухара облусундагы чек ара бажы постунан 13 килограмм героинди Афганистандан Россия Федерациясына алып өтүүгө аракет кылган, кургатылган өрүктү жамынган шектүүлөр кармалды. Бул тууралуу Бажы комитети билдирди Комитеттин маалыматына караганда, үстүбүздөгү жылдын 30-майында Бухара облусундагы «Олот» чек ара бекетинде Ооганстандан Орусияга бара жаткан жүк ташуучу унаа текшерүүгө алынган. Текшерүү системасы аркылуу алынган рентген сүрөттөрүн талдоо учурунда жүктүн ичинен шектүү буюмдар табылган Андан соң чиркегичте ташылып келе жаткан таңгакталган 18,6 тонна кургатылган өрүк күбөлөрдүн катышуусунда белгиленген тартипте тыкыр текшерүүгө алынган. Текшерүүнүн жүрүшүндө 13 картон кутуга салынган буюмдардын арасына катылган кургатылган өрүккө окшош заттар табылган Соттук-медициналык экспертизанын корутундусуна ылайык, бул заттар жалпы салмагы 13 килограммга жакын героин экени аныкталган. Эксперттер кармалган героиндин эл аралык кара базардагы наркын 1,5 миллион долларга чейин баалашууда Бажы комитети быйылкы жылдын башынан бери Өзбекстандын бажы органдары 363 факты боюнча 1,7 тоннага жакын маңзаттын мыйзамсыз жүгүртүүсүнө бөгөт койгонун билдирди. Бул еткен жылдын ушул мезгилине салыштырганда 461 килограммга кеп. Аталган факты боюнча кылмыш иши козголуп, тергөө амалдары уланууда Буга чейин Ташкент облусуна Казакстандан кирген жүк ташуучу унаада азык-түлүктөрдүн арасынан ири өлчөмдөгү дары-дармектер табылганы маалымдалган