"SuperStar KZ": Телекөрсөтүү тартыла баштады

"Казакстан" телерадиокорпорациясынын демилгеси менен көрсөтүлө турган "SuperStar KZ" долбоорунун телесъемкалары башталды Кезинде миллиондогон көрүүчүлөрдү телевизор алдына чогултуп, көптөгөн таланттардын жылдызын жандырган легендарлуу долбоор 20 жылдан кийин кайтып келди. "SuperStar KZ" - өлкөдөгү эң популярдуу музыкалык шоу. Берүүнүн алгачкы эфиринен бери чоң сахнага жаш аткаруучулар чыгарылып, өнөрлөрү элге тааныла баштады. Көптөгөн ырчылардын чыгармачылык жолу мегадолбоордон башталып, бүгүнкү күндө өлкөгө белгилүү артисттерге айланышты. “SuperStar KZ” кайра жаралышы көрүүчүлөргө өткөн жылдарды жылуу эскерүүлөрдү тартуулап, жаңы муундагы таланттарга өз мүмкүнчүлүктөрүн көрсөтүүгө жол ачат дешет уюштуруучулар. Алардын айтымында, заманбап формат жана жаңы идеялар программанын кызыгуусун дагы арттырат. Апрель айында тандоо башталган. Долбоордун алкагында чыгармачыл топ өлкөнүн 9 шаарында болуп, 4 миңден ашык талапкердин өнөрү менен таанышты. Жыйынтыгында эң мыкты 160 катышуучу тандалып алынып, учурда телестудия тартууга катышууда Нургүл Нугманова, "SuperStar KZ" долбоорунун музыкалык продюсери: Эң негизгиси бала репертуарды жакшы билиши керек. Бул канга сиңген ыр болуш керек. Анткени жаңы репертуар берсек, жаңы ырларды тандап алсак балага даярдык аз. Алар ырдаган ырларды тандап алганбыз. Ырлар кайталанбасын деп бир катышуучудан 5-6 ыр сурадык Катышуучулар бир нече этаптан өтүп, калыстар тобунун алдында өз өнөрлөрүн далилдеши керек. Биринчи этапта талапкерлер фортепиано же акапеланын коштоосунда ыр аткарышат. Бул этапта алардын үн жөндөмдүүлүгү, үн диапазону жана сахнада өзүн-өзү ээлөөлөрү бааланат. Кийинки турда катышуучулар бир нече ырлардан үзүндүлөрдү аткарып, түрдүү жанрдагы чыгармаларды чеберчилик менен аткарышкандыгын көргөзүшөт. Муну менен калыстар тобу алардын музыкалык табитин, аткаруучулук чеберчилигин, ар кандай образдарга кирүү жөндөмүн айырмалайт Макпал Исабекова, "SuperStar KZ" долбоорунун калыстар тобунун мүчөсү: Бул долбоор чоң сахнага чыгууга жолдомо берет. Мына ошого далил катары сиздин алдыңызда турам. Анткени менин чыгармачылык жолум “SuperStar KZ” долбоорунан башталган. Толкундануу болду, кубаныч болду. Баары аралаш нерви болду. Бул жолу мага артылган үмүттү актай аламбы, сот боло аламбы деген күмөндөр бар