ЕАЭБ өлкөлөрү Армениядан Евробиримдикке мүчө болуу боюнча референдум өткөрүүнү талап кылышты

Орусия, Беларусь, Казакстан жана Кыргызстан Арменияны өлкөнүн Евробиримдикке кирүү ниетин же Евразия экономикалык биримдигине (ЕАЭБ) мүчөлүгүн сактап калуу ниетин аныктоо үчүн мүмкүн болушунча тез арада жалпы элдик референдум өткөрүүгө чакырды Тиешелүү билдирүү Жогорку Евразиялык экономикалык кеңештин Астанадагы жыйынынын жыйынтыгында жарыяланды. Ага Владимир Путин, Александр Лукашенко, Касым-Жомарт Токаев жана Садыр Жапаров кол коюшту Документте Армениянын ЕБге кирүүгө даярдыгы ЕАЭБ мамлекеттеринин “экономикалык коопсуздугу үчүн олуттуу тобокелдиктерди” жаратат деп айтылат. Билдирүүнүн авторлору Еревандын евроинтеграцияга карай мындан аркы кыймылы биримдик өлкөлөрүнүн экономикалык кызыкчылыктарына зыян келтириши мүмкүн деп эсептешет ЕАЭБ өлкөлөрүнүн лидерлери ошондой эле Евробиримдик менен андан ары жакындашууда Армения үчүн мүмкүн болуучу кесепеттер тууралуу маселе Жогорку Евразиялык экономикалык кеңештин декабрда боло турган кезектеги жыйынында карала турганын да билдиришти Казакстандагы иш сапарынын жыйынтыгы боюнча маалымат жыйынында ал Армениядагы кырдаалды Украина менен салыштырды. "Мен бул тууралуу айтып өткөн элем. Украинадагы кризис бир жолу Евробиримдикке кирүү аракетинен башталган. Биз буга каршы эмеспиз", - деди Путин Орус президенти 9-майдагы Жеңиш парадынан кийинки маалымат жыйынында Арменияны Украина менен салыштырды. Андан соң Путин Украинага каршы согуш «өлкөнүн ЕБге кириши же кошулуу аракети менен» башталганын белгиледи. Путиндин айтымында, экс-президент Виктор Янукович Евробиримдик менен интеграциядан баш тарткандан кийин өлкөдө «мамлекеттик төңкөрүш» болуп, «Крымдын тарыхы, Украинанын түштүк-чыгышынын позициясы жана согуштук аракеттерге» алып келген 2025-жылдын жазында Армения парламенти Евробиримдикке кирүү процессин баштоо боюнча мыйзам кабыл алган. Астанадагы маалымат жыйынында Путин эгер өлкө Евробиримдиктин стандарттарына өтө баштаса, Армения менен интеграция токтотуларын айтты Армениянын премьер-министри Никол Пашинян буга чейин Ереван ЕАЭБден чыгуу маселесин референдумга коюуга ниети жок экенин буга чейин билдирген. Анын айтымында, бийлик бир эле учурда Евробиримдик менен да, ЕАЭБ өлкөлөрү менен да мамилени өнүктүрүүгө умтулууда. Мындай тең салмактуулук мүмкүн болбой калса, акыркы тандоону Армениянын эли жасашы керек, дейт Армениянын премьер-министри Еревандын Батыш менен жакындашуу саясатынан улам Армения менен Орусиянын мамилеси чыңалган бойдон калууда. Москва Армениянын бийликтерин батышчыл саясаты үчүн сындап, орус департаменттери бир катар армян товарларынын импортуна чектөөлөрдү киргизүүдө Azattyk Asia © 2026 RFE/RL, Inc. | Бардык укуктар корголгон