АКШ Ормуз кысыгында атып түшүрүлгөн Апачи тик учагына жооп иретинде Иранга сокку урду

АКШнын Борбордук командачылыгы (Centcom) тик учактын атып түшүрүлүшүнө жооп иретинде америкалык аскерлер шейшемби күнү саат 17:00дө сокку урууну баштады "Бул миссия Ирандын негизсиз агрессиясына пропорционалдуу жооп", - деп айтылат Centcom билдирүүсүндө Axios америкалык аткаминерге таянып кабарлагандай, америкалык аскерлер Ирандын абадан коргонуу системаларына жана радарларына сокку урган АКШнын президенти Дональд Трамп шейшемби күнү Иран америкалык Apache согуштук тик учагын Ормуз кысыгында атып түшүргөнүн билдирди "Биздин мыкты армиябыз мага кечээ кечинде ирандыктар Ормуз кысыгында күзөттө жүргөндө биздин эң жогорку технологиялуу Apache тик учактарыбызды атып түшүрүшкөнүн кабарлады", - деп жазды Трамп өзүнүн Truth Social баракчасына. — Ал жерде эки учкуч бар эле, аман-эсен да. Бирок, АКШ бул чабуулга жооп бериши керек ABC News телеканалына берген маегинде Трамп Иранга жооп кайтаруу соккулары "абдан күчтүү" болорун эскертти "Биз азыр жооп берип жатабыз", - деди АКШнын президенти жана мындай деп кошумчалады: "Бул алардын кылгандарына, кечээ кечинде биздин тик учакка эмне кылышканына жооп болуп саналат жана мен жооп абдан күчтүү, абдан күчтүү болушу керек деп эсептейм жана дал ушундай."