Сардар Бердымухамедов: Түркмөнстан Азербайжан менен кызматташууга умтулат

Түркмөнстан бир тууган Азербайжан менен кызматташтыкты өнүктүрүүгө умтулат Бул тууралуу Түркмөнстандын президенти Сардар Бердымухамедов бул өлкөдө иш сапары менен жүргөн Азербайжандын маданият министри Адил Каримлини кабыл алып жатып билдирди, деп маалымдайт «Репорт» С.Бердымухаммедов Азербайжандын маданият күндөрүнүн алкагында өткөрүлө турган иш-чаралар эки өлкөнүн маданий карым-катнаштарынын өнүгүшүнө маанилүү салым кошоруна ишенимин билдирди Адил Каримли Азербайжан боордош Түркмөнстан менен алакаларды өнүктүрүүгө өзгөчө маани берерин айтты. Ал эки өлкөнүн ортосундагы мамилелерди чыңдоодо өз ара маданият күндөрү чоң роль ойной турганын баса белгилеп, Түркмөнстанга болгон сапарына канааттангандыгын билдирди Жолугушууда Түркмөнстан менен Азербайжандын кызматташтыгы саясий-дипломатиялык, соода-экономикалык жана маданий-гуманитардык багыттарда динамикалуу өнүгүп жатканы белгиленди. Акыркы жылдары мамлекеттик жана өкмөттүк деңгээлдеги үзгүлтүксүз жолугушуулардын жана өз ара сапарлардын натыйжасында өнөктөштүк мамилелер сапаттык жактан жаңы баскычка көтөрүлдү Маданий-гуманитардык кызматташтык эки тараптуу күн тартибинде өзгөчө орунду ээлей турганы баса белгиленди. Буга байланыштуу маданияттын түрдүү тармактарында тажрыйба алмашууга мүмкүндүк берген биргелешкен иш-чаралардын маанилүүлүгү белгиленди С.Бердымухаммедов өткөн жылдын октябрь айында Азербайжанда Түркмөнстандын маданият күндөрү ийгиликтүү өткөнүн эске салып, мындай маданий карым-катнаш элдердин жакындашуусуна, достук мамилелердин чыңдалышына кызмат кылаарын билдирди Жалпы тарыхый жана маданий мурас мамлекеттер аралык диалогду мындан ары тереңдетүү үчүн бекем негиз түзөөрүнө ишенимин билдирип, Түркмөнстан боордош Азербайжан менен кызматташууну өнүктүрүүгө умтуларын баса белгиледи Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат