Кыргызстандын спортчулары допингге текшерилет, бирок тесттер Казакстанда текшерилет, - Мамлекеттик спорт агенттигинин жетекчиси

«Спорт АКИpress» - Кыргызстандын өзүнүн допингге каршы лабораториясы жок болгондуктан, спортчулардын үлгүлөрү анализге Казакстанга жөнөтүлүп жатат, деп билдирди министрлер кабинетине караштуу Дене тарбия жана спорт боюнча мамлекеттик агенттиктин директору Урмат Асанбаев 10-июнда Жогорку Кеңеште “Дене тарбия жана спорт жөнүндө” мыйзамга өзгөртүү киргизүү тууралуу” мыйзам долбоору каралды Талкууда депутат Жылдыз Эгенбердиева Кыргызстанда допинг борбору барбы, ата мекендик спортчулар допинг-тесттен өтөбү, ошондой эле үлгүлөрдү алууда, сактоодо жана талдоодо мүмкүн болуучу мыйзам бузууларды жана кызыкчылыктардын кагылышын алдын алуу үчүн кандай укуктук жана техникалык кепилдиктер каралганын сурады Депутат спортчулар изилдөөнүн жыйынтыгына каршы чыгып, кайра текшерүү демилгесин көтөрө алабы деп сурады Асанбаев агенттиктин допингге каршы күрөшүү боюнча башкармалыгы бар экенин, адистер мелдеш учурунда спортчулардан үзгүлтүксүз үлгүлөрдү алып турарын, бирок өлкөдө изилдөө жүргүзүү үчүн өзүнүн лабораториясы жок экенин айтты «Бардык мелдештерде спортчулардан тесттер алынат. Бирок бизде лаборатория жок, ошондуктан изилдөөнүн жыйынтыгын Казакстандан алабыз», - деди ал Асанбаев ошондой эле Кыргызстандын футбол союзу менен биргеликте «Мүрөк» медициналык борборунун курулушу жүрүп жатканын, анда спортчулар медициналык кызматтардын толук спектрин ала ала турганын билдирди Анын айтымында, учурда «Мүрөк» борборун Дене тарбия жана спорт мамлекеттик агенттигинин карамагына өткөрүү сунушу министрлер кабинетине киргизилген