"Абал канааттандырарлык": Азербайжандын Тышкы иштер министрлиги жарадар болгон моряктар тууралуу

Азербайжандын Орусиядагы элчилигинин консулдук бөлүмүнүн кызматкерлери учурда Йейск шаарында болуп, Азов деңизинде жүк ташуучу кемелерге пилотсуз учактардын чабуулунан жабыркаган жана куткарылган Азербайжан жарандарына консулдук колдоо көрсөтүүдө. Бул тууралуу Азербайжандын Тышкы иштер министрлиги билдирди Жарадарлардын абалы канааттандырарлык деп бааланууда, алардын айрымдары жакын арада ооруканадан чыгарылышы мүмкүн "Орусия Федерациясынын тиешелүү түзүмдөрү тарабынан жүргүзүлүп жаткан издөө-куткаруу иш-чараларынын алкагында каза болгондордун өздүгүн тактоо жана башка зарыл болгон жол-жоболор улантылууда. Куткарылган азербайжандык жарандарга документтерди даярдоо, аларга кайтып келүү күбөлүктөрүн берүү жана өлкөгө кайтып келүүсүн уюштуруу иштери жүрүп жатат. Азербайжандын Тышкы иштер министрлиги кырдаалды өзгөчө көзөмөлгө алып, каза болгондор тууралуу тиешелүү түзүмдөрдүн кошумча маалыматы менен координациялоодо. Алардын сөөгүн өлкөгө жеткирүү кийинчерээк берилет», — деп айтылат Азербайжандын Тышкы иштер министрлигинин билдирүүсүндө