Кыргызстандын президенти менен Грузиянын премьер-министринин расмий жолугушуу аземи болду

Бишкекте бүгүн, 12-июнда Кыргызстандын президенти Садыр Жапаров менен Грузиянын премьер-министри Ираклий Кобахидзенин расмий жолугушуу аземи болуп өттү Ынтымак Ордо имаратында Кыргызстандын жана Грузиянын мамлекеттик желектери илинип, Ардактуу кароол тизилип, этно-жоокерлер катышты Өз ара саламдашуудан кийин Садыр Жапаров менен Ираклий Кобахидзе Ардактуу кароолдун ротасынын командиринин рапортун кабыл алышты. Андан соң аскердик оркестр эки өлкөнүн мамлекеттик гимндерин аткарды Андан кийин түзүмдүн кыдыруусу болуп, Ираклий Кобахидзе Ардактуу кароолдун ротасын «Салам аскер!» деген сөздөр менен тосуп алды. Андан ары алар расмий делегациялардын мүчөлөрү менен бири-бирин тааныштырышты Расмий салтанаттын соңунда Садыр Жапаров менен Ираклий Кобахидзе биргелешип сүрөткө түшүү үчүн Ынтымак Ордого барып, жолугушуу бөлмөсүнө барышты