Тундуктун бузулган аккаунту жана берилген насыя тууралуу билдирүүлөр - Акчабардагы шылуундук

Кыргызстандын Улуттук банкы жарандарга регулятордун логотибин колдонуп, анын кызматкерлеринин атын жамынган жаңы алдамчылык схемасы тууралуу эскертти Улуттук банктын маалыматы боюнча, белгисиз адамдар мессенджерлер аркылуу жарандарга алардын Tunduk электрондук сервистер мамлекеттик порталындагы аккаунтун бузуп, жеке маалыматтары сыртка чыгып кеткени тууралуу билдирүүлөрдү жөнөтүшүүдө. Сөздөрүнө ишенимдүүлүк көрсөтүү үчүн шылуундар Улуттук банктын логотиби бар жасалма документтерди колдонушат Андан соң кол салгандар жабырлануучуга анын атына насыя берилгенин билдиришкен. Акчаны коргойбуз деген шылтоо менен жарандарды “сейфтик эсепке” которууга көндүрүшөт "Бул шылуундар. Мындай билдирүүлөргө ишенбегиле жана эч кандай шартта чоочундарга акча которбогула", - деп эскертет Улуттук банк Жөнгө салуу органы Улуттук банктын кызматкерлери насыяларды иштетүү боюнча мессенджер аркылуу жарандар менен байланышпай турганын, акча которууну талап кылбай турганын жана эч кандай “сейф эсептерди” колдонууну сунуштабай турганын эскертет Кабардар болуңуз! Биздин Telegramга жазылыңыз