Астанада өзгөчө балдар үчүн Smart Class ачылды

Астанада өзгөчө билимге муктаж балдар үчүн Smart Class ачылды. Жасалма интеллектке негизделген заманбап технологиялар окууга жана жазууга кызыкпаган окуучулардын көңүлүн ачууга жардам берет. Ошону менен бирге ал инклюзия маселесин чечүүгө жардам берет. Долбоор пилоттук режимде апрель айынан бери шаардагы №99 мектептин башталгыч классында ишке ашырылууда. Мугалимдердин айтымында, жыйынтык жаман эмес. Окуучулардын сабакка болгон кызыгуусу артып, окуудагы ийгиликтери 32 процентке жакшырды Жанат Наймангазинова, башталгыч класстын мугалими: Менин классымда атайын билимге муктаж бир окуучу бар. Окуучунун мектепке келүү шыктануусу жогорулады десек болот. Анткени бала эки күндө келип турчу. Бир күнү сабакка келсе, бир күнү келбейт. Мына ошол окуучу күн сайын сабактан калбай, саат 7де ушул мектепте болчу. Келээри менен ал сөзсүз түрдө бул акылдуу столдун ичиндеги функцияларды колдонууга кызыгып калды. TopIQ IT компаниясы менен "Алматыкытап" басмасы биргеликте ишке ашырган интеллектуалдык класс КМШ өлкөлөрүндө Казакстанда гана бар. Бул жерде окуучу менен мугалим бир системага бириктирилген. Ар бир окуучунун өзүнүн акылдуу тактасы бар. Ал баланын физиологиясына ылайыкталган. Эгерде баланын окуу темпи төмөндөп, чарчап калганы байкалса, платформа автоматтык түрдө иштебей калат жана кыска тыныгуу сунуштайт