"Sky News": Улуу Британия Ормуз кысыгына эсминец жөнөттү

Улуу Британия "HMS Dragon" эсминецинин Ормуз кысыгында жүк ташуунун коопсуздугун камсыздоо боюнча эл аралык миссияга катышуусун камсыздоого даяр Бул тууралуу Улуу Британиянын Коргоо министрлигинин билдирүүсүнө таянуу менен "Sky News" каналы жазып чыкты 10-мартта HMS Dragon эсминеци Англиянын Портсмут шаарынан Акротиридеги британ авиабазасынын коопсуздугун бекемдөө үчүн Чыгыш Жер Ортолук деңизине жөнөп кетти 2-мартта бул база учкучсуз учактын чабуулунан жабыркаган. Британ бийликтеринин айтымында, учкучсуз учак Ливандан же Ирактан учурулган. HMS Dragon Чыгыш Жер Ортолук деңизине 23-мартта келген "Sky News" басылмасынын маалыматына караганда, учурда кеме Чыгыш Жер Ортолук деңизинен Жакынкы Чыгышка багытын өзгөртүп жатат. Британиянын Коргоо министрлиги Ормуз кысыгында мүмкүн болуучу миссияга катышуу жалаң гана коргонуу мүнөзүнө ээ болорун жана соода кемелери үчүн бул каттам аркылуу транзиттин коопсуздугуна ишенимди жогорулатууга багытталганын белгиледи Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат