Өзбекстандын баатыры, жазуучу жана адабият таануучу Ибрагим Гафуров каза болду

89 жашында көрүнүктүү өзбек адабиятчысы, жазуучу, котормочу жана коомдук ишмер, Өзбекстандын баатыры Ибрагим Гафуров дүйнөдөн кайтты. Анын каза болгонун өзү ардагер болгон «Миллий тикланиш» демократиялык партиясынын басма сөз кызматы билдирди Ибрагим Гафуров алтымыш жылдан ашык өмүрүн улуттук адабиятты, илимди жана маданиятты өнүктүрүүгө арнаган. Ал көптөгөн адабий изилдөөлөрдүн, китептердин жана публицистикалык эмгектердин автору, ошондой эле дүйнөлүк классиканы өзбек тилине котормочу болгон. Бул жылдар аралыгында басма тармагында жетекчилик кызматтарды аркалап, өлкөнүн алдыңкы адабий басылмаларында иштеп, ЖОЖдордо сабак берип, Өзбекстандын коомдук-саясий турмушуна активдүү катышкан Өлкө жетекчилери, коомчулук жана маданият өкүлдөрү маркумдун үй-бүлөсүнө жана жакындарына көңүл айтышты «Миллий тикланиш» партиясынын төрагасы Алишер Кадыров жоготууга комментарий берип жатып, Ибрагим Гафуров советтик идеологиялык системанын шартында да улуттук өзгөчөлүктү сактап, маанилүү идеяларды жеткире алган интеллигенциянын муунуна таандык экенин белгиледи. Анын айтымында, Гафуров менен бирге Эркин Вахидов, Абдулла Арипов өңдүү ысымдар менен катар турган өзбек маданиятынын көрүнүктүү инсандарынын муунунун дагы бир өкүлү кеткен Ката тапсаңыз, тексттин бир бөлүгүн тандап, Ctrl+Enter баскычтарын басыңыз