Армиядагы жасалма интеллект: Келечектин жоокери кандай болот?

Казакстандын армиясы жаңы этапка кадам таштады. Азыр аскер кызматын өтөө аскердик окуу менен гана чектелбейт. Жоокерлер учкучсуз учакты куруп, башкарат, жасалма интеллект менен иштешет, кибер коопсуздуктун негиздерин үйрөнүшөт. Бул үчүн Коргоо министрлиги SARBAZ+ долбоорун ишке киргизди. Бул тууралуу борбордук коммуникациялар аянтында өткөн брифингде Коргоо министринин орун басары Дархан Ахмиев билдирди. Вице-министрдин айтымында, адистерди даярдоо үчүн байланыш, телекоммуникация, учкучсуз авиация системасы жана жасалма интеллект тармактарында санариптик класстар ачылган. Окуунун жыйынтыгында жоокерлер эл аралык сертификаттарга ээ болушат. Бул алардын аскердик кызматтан кийин жумушка орношуу мүмкүнчүлүгүн жогорулатат. Ошондой эле брифингде «ШАЙКАС-2026» чемпионаты өтөөрү айтылды. Мелдештин катышуучулары дрондорду чогултуп, чалгындоо иштерин жүргүзүшөт, координаттарды жөнөтүшөт. Алар ошондой эле роботторду жасап, кибер коопсуздук боюнча атаандашат. Мелдештин байге фонду абдан чоң. 10 миллион теңге Дархан АХМИДЕВ, Казакстан Республикасынын Коргоо министринин орун басары: Армиядагы бир жыл аскердик тажрыйба гана болбостон, жогорку билим алуу үчүн да мүмкүнчүлүк болуп калды. Жогорку окуу жайга жалпы республикалык тестирлөөдөн өтпөй эле өтсө болот. Бул үчүн «Sarbaz 2.0» санариптик платформасы ишке киргизилди. Система аскердик кызматтагы жетишкендиктерин автоматтык түрдө баалайт жана мыктыларга бекер окуу жана жатакана сунуштайт. Бүгүнкү күндө платформада 180 миңден ашык аскер кызматкери катталган