Филиппиндин жээгинде катуу жер титирөө болду - фото; видео

Филиппиндин түштүгүндөгү Минданао аралында күчү 7,8 баллга жеткен жер титирөө болду. АКШнын Геологиялык кызматынын (USGS) маалыматына караганда, жер титирөө Саранггани провинциясынын Соксксарген аймагындагы Каблан муниципалитетинен 26 чакырым түштүк-батышта катталган USGS маалыматына ылайык, жер титирөөнүн очогу 55,2 чакырым тереңдикте болгон Негизги жер титирөөдөн кийин магнитудасы 4,6дан 6,5ке чейин болгон 10 жер титирөө катталган. Аймакта жана коңшу өлкөлөрдө цунами коркунучу тууралуу эскертүүлөр берилди Филиппин президенти цунами коркунучу бар экенин эскертти Филиппиндин вулканология жана сейсмология институтунун директору Тересито Баколкол Ассошиэйтед Пресске (AP) цунами станцияларынын Султан Кударат жана Саранггани провинцияларында бийиктиги бир метрге жеткен толкундарды каттаганын айтты Филиппиндин президенти Кенже Фердинанд Маркос жээктеги жана башка аялуу аймактардын тургундарын тез арада бийик жерге көчүүгө үндөдү Анын айтымында, учурда өкмөт кырдаалга чара көрө баштады, кырсыктын кесепеттерин жоюу кызматтары күжүрмөн даярдыкка келтирилди Малайзиянын метеорология башкармалыгы да Борнео аралындагы Сабах штаты үчүн цунами коркунучу тууралуу эскертти Филиппиндер Тынч океандагы өрт шакеги деп аталган аймакта жайгашкан, ал жерде сейсмикалык жана вулкандык активдүүлүк күчтүү, анда дайыма катуу жер титирөөлөр болуп турат pic.twitter.com/62LLUOjUk0