Си Цзиньпин Пхеньянга жети жылдан бери биринчи жолу келип, Ким Чен Ын менен жолугушту

Кытайдын төрагасы Си Цзиньпин акыркы жети жылда биринчи жолу Пхеньянга келип, Түндүк Кореянын лидери Ким Чен Ын менен сүйлөшүүлөрдү өткөрдү. Тараптар соода, айыл чарба, курулуш жана технология тармагында кызматташууну тереңдетүүнү макулдашты, деп билдирет Associated Press Пхеньяндын башкы аянтындагы салтанаттуу тосуп алуу аземинде Ким Чен Ын Си Цзиньпиндин сапарын Кытай-Түндүк Корея мамилелеринин кол тийбестигинин “визуалдык далили” деп атады Си Цзиньпин өз кезегинде стратегиялык кызматташтыкты чыңдоого жана эки өлкөнүн эгемендигин жана коопсуздук кызыкчылыктарын биргелешип коргоого чакырды AP агенттиги менен маектешкен эксперттер бул сапарды Бээжиндин Түндүк Кореянын Орусия менен жакындашуусунан улам алсыраган Пхеньянга таасирин калыбына келтирүү аракети катары баалашууда. Украинада согуш башталгандан кийин Ким Чен Ын, агенттик белгилегендей, экономикалык жана аскердик жардамдын ордуна Орусияга аскер жана курал-жарак жөнөткөн. Бул, талдоочулардын баамында, Кытайдын Түндүк Кореянын негизги тышкы өнөктөшү катары салттуу ролуна шек туудурду Ошол эле маалда эксперттер Си Цзиньпин Ким Чен Ынга ядролук куралдан арылуу маселеси боюнча кысым көрсөтпөйт деп эсептешет. Пхеньян үчүн бул маселе анын өзөктүк держава катары эл аралык таанууга умтулуусу менен байланыштуу Визиттин алдында Түндүк Корея лидеринин карындашы Ким Йо Чен АКШнын КЭДРди өзөктүк куралсыздандыруу боюнча талаптарын «анахронисттик кыял» деп атады. Өткөн жумада Ким Чен Ын өзү курал-жарак үчүн колдонулуучу өзөктүк материалдарды чыгаруучу жаңы заводго барып, өзөктүк арсеналдын “экспоненциалдуу” өсүү пландарын жарыялаган Пхеньянга сапар Си Цзиньпин менен Дональд Трамп менен Владимир Путиндин май айында Пекинде болгон бир катар жолугушууларынан кийин болду. Корей жарым аралына таасирин көрсөтүү менен Бээжин сентябрда Си Цзиньпиндин АКШга күтүлүп жаткан сапарынын алдында позициясын бекемдеп жатат, дешет эксперттер АКШнын президенти Дональд Трамп буга чейин Ким Чен Ын менен дипломатиялык диалогду кайра баштоону кааларын бир нече жолу билдирген