20 миң сомго чейин айып салынат. Экологдор интернет аркылуу жайыттарга зыян келтиргендерди аныкташат

Жаратылыш ресурстары, экология жана техникалык көзөмөл министрлигине караштуу Экологиялык жана техникалык көзөмөл кызматынын адистери жайыт жерлерине унаалардын зыян келтирген учурларын аныктоо үчүн интернет мейкиндигине мониторинг жүргүзүүдө. Бул тууралуу ведомствонун басма сөз кызматы билдирди Дагы жаңылыктар жана видеолор Kaktus.media Telegram каналында Алар мыйзам талаптарын бузган автоунаа жана мотоцикл ээлери аныкталып, жоопкерчиликке тартыларын убада кылышты Жайыттардын топурак катмарына зыян келтиргендиги үчүн 5500 сомдон 20000 сомго чейин айып пул салынат Маалым болгондой, айлана-чөйрөнү коргоо иш-чараларынын алкагында кызматтын кызматкерлери Ысык-Көл облусунун жергиликтүү бийликтери менен биргеликте Көк-Жайык жайлоосунда түшүндүрүү иштерин жүргүзүштү Жайыт ижарачыларына жана жергиликтүү тургундарга автотранспорттордун эксплуатациясын чектөө боюнча токтомдун талаптары, ошондой эле экологиялык нормаларды сактоо жана жаратылыш ресурстарын сыйлоо зарылчылыгы эскертилди, деп айтылат маалыматта Башкармалык транспорттун кайсы түрү болбосун кыймылы белгиленген жолдор жана каттамдар боюнча гана жүргүзүлүшү керектигин баса белгиледи. Мындай иш-чаралар жайыттардын деградациясынын алдын алууга жана жаратылыш экосистемаларын сактоого багытталган