Массалык мушташтан мектеп окуучусу каза болду. Үч өспүрүм жана эки милиция кызматкери кармалган

Кызыл-Кыядагы массалык мушташтан кийин үч өспүрүм жана эки милиционер кармалды. Бул тууралуу Kaktus.media сайтына укук коргоо органдарындагы булактар билдирди Алардын айтымында, Кызыл-Кыяда мектеп окуучусу каза болгон массалык мушташтан кийин үч жашы жете элек өспүрүм жана эки милиция кызматкери кармалган Милиция кызматкерлери кызматтык милдеттерин талаптагыдай аткарбады деп шектелүүдө Айрым маалыматтарга караганда, мушташ башталаар алдында милиция кызматкерлерине кийлигишип, мушташты болтурбоо өтүнүчү айтылган, бирок өз убагында чара көрүлгөн эмес Ички иштер министрлиги милиция кызматкерлерин кармоо фактысын тастыктады Эске сала кетсек, буга чейин Ички иштер министрлиги Кызыл-Кыядагы массалык мушташ боюнча кылмыш иши козголгонун билдирген. Андан соң 16 жаштагы шектүү кармалып, убактылуу кармоочу жайга киргизилген Окуя 27-майда болуп, 15 жаштагы бала тез жардам келгенге чейин каза болгон