Коопсуздук кеңешинин катчысы дедовщинаны жаап-жашыруу үчүн катуу жоопкерчиликти эскертти

Бишкек (АКИpress) – Коопсуздук кеңешинин катчысы Адилет Орозбеков бүгүн, 10-июнда коопсуздук жана укук коргоо органдарынын жетекчилери менен жумушчу кеңешме өткөрдү Президенттин басма сөз кызматы билдиргендей, жолугушууда аскер кызматкерлеринин арасында моралдык-психологиялык климатты сактоо жана аскердик тартипти чыңдоо маселелери каралды Орозбеков бардык деңгээлдеги командирлер бөлүктөрдүн моралдык-психологиялык абалын жеке билип, чыр-чатактын, басымдын же психологиялык көйгөйлөрдүн белгилерине ыкчам чара көрүүгө милдеттүү экенин айтты "Мындай фактыларды жашыруу, алардын маанисин төмөндөтүү, текшерүүгө формалдуу мамиле кылуу аракеттери кызматтык тартипти одоно бузуу катары каралат. Бул маселе боюнча менин жеке позициям катаал жана принципиалдуу болот", - деди ал Жумушчу кеңешменин жыйынтыгы боюнча бардык тиешелүү мамлекеттик органдарга офицерлердин жана аскерге милдеттүүлөрдүн арасында «дедовщина» фактыларын жоюуга багытталган чараларды өз убагында жана ыкчам жүргүзүү тапшырылды