Саида Мирзиёева ЕККУнун баш катчысы менен жолугушту

Кечээ, 2-июнда Өзбекстандын Президенттик аппаратынын жетекчиси Саида Мирзиёева Европадагы коопсуздук жана кызматташтык уюмунун башкы катчысы Феридун Синирлиоглу менен жолугушту.Бул тууралуу ал өзүнүн Telegram каналында билдирди Мирзиёеванын айтымында, Синирлиоглу жакында Өзбекстанга жасаган сапарын жана президент Шавкат Мирзиёев менен болгон жолугушуусун жылуу эске салды. Ал ошондой эле ЕККУ Өзбекстандын демилгелерин колдоого даяр экенин баса белгиледи Жолугушууда тараптар трансулуттук коркунучтарга, санариптик технологияларга жана жасалма интеллектке каршы күрөшүү, жаштардын кызыкчылыктарын коргоо, гендердик теңчилик, соттук-укуктук реформалар сыяктуу маанилүү тармактарда кызматташуунун келечегин талкуулашты Буга чейин үстүбүздөгү жылдын 21-майында президент Шавкат Мирзиёев Өзбекстанда расмий сапар менен жүргөн ЕККУнун баш катчысы Феридун Синирлиоглун кабыл алган. Жолугушууда ЕККУ менен экономикалык, экологиялык, саясий жана гуманитардык чөйрөлөрдө кызматташууну мындан ары өнүктүрүү маселелери талкууланды