Садыр Жапаров «Торговы» базарына барып, сатуучулар жана алуучулар менен баарлашты (фото)

Бүгүн, 6-майда Садыр Жапаров Баткен облусуна болгон кыска мөөнөттүү иш сапарынын алкагында Кадамжай районунун Ак-Турпак айыл аймагындагы «Торговы» базарында болду. Бул тууралуу президенттик аппараттын маалыматтык саясат кызматы билдирди Мамлекет башчыга базардын учурдагы абалы тууралуу айтып, андан соң сатуучулар жана жергиликтүү тургундар менен баарлашты Маалым болгондой, базар 4 гектар жерди ээлеп, чек ара аймагындагы соода аянтчаларынын бири болуп саналат. Негизги соода иши шаршемби күнү болот - бул күнү бул жерге 400гө жакын соодагерлер келет. Магистраль боюнда 50гө жакын соода объектилери туруктуу негизде иштейт Президенттин Баткен облусуна болгон кыска мөөнөттүү иш сапары мамлекеттик чек араны демаркациялоо маселеси менен жеринде таанышуу зарылдыгы менен байланыштуу экени айтылды. Президенттин облуска кийинки иш сапарынын алкагында облустун тургундары менен өзүнчө жолугушууларды өткөрүү пландалууда