Садыр Жапаров Сейшел аралдарынын тышкы иштер жана диаспора министрин кабыл алды

Кыргыз Республикасынын Президенти Садыр Жапаров Чолпон-Ата шаарында Сейшел Аралдар Республикасынын тышкы иштер жана диаспора министри Барри Форду кабыл алды Эки тараптуу кызматташтыкты өнүктүрүү, анын ичинде саясий диалогду бекемдөө, соода-экономикалык жана маданий-гуманитардык байланыштарды кеңейтүү маселелери талкууланды Президенттин басма сөз кызматы билдиргендей, Садыр Жапаров Кыргызстандын Африка өлкөлөрү менен өз ара алакасын тереңдетүүгө умтулуусун белгилеп, географиялык алыстыгына карабастан кызматташтыкты арттыруу үчүн олуттуу потенциал бар экенин баса белгиледи Тараптар ошондой эле инвестиция, туризм, каржы жана санариптик технологиялар тармагындагы кызматташуунун келечегин талкуулашты Туризм индустриясын өнүктүрүү жана санариптик трансформациялоо максатында тажрыйба алмашуу, ошондой эле «Тамчы» атайын финансылык инвестициялык аймагы жана «Учкун» ААКсы аркылуу кызматташууну жөнгө салуу боюнча өз ара кызыкчылык белгиленди Министр Барри Фор Сейшел Аралдар Республикасынын Президенти Патрик Гермининин саламын айтты. Мындан тышкары, эл аралык күн тартибиндеги актуалдуу маселелер, анын ичинде климаттын өзгөрүшү жана туруктуу өнүгүү боюнча пикир алмашуу болду Бириккен Улуттар Уюмунун алкагында аракеттерди координациялоонун маанилүүлүгү баса белгиленди Жолугушуунун жыйынтыгында тараптар кыргыз-сейшель кызматташтыгын мындан ары да бекемдөөгө даяр экендиктерин ырасташты. Соңунда Кыргыз Республикасынын Президенти Сейшел Аралдарынын Президенти Патрик Гермининин саламын жолдоп, аны ыңгайлуу убакта Кыргыз Республикасына келип кетүүгө чакырды