Садыр Жапаров «Эл Пласт» ишканасына барып, Ош шаарындагы Ак-Буура дарыясынын тазалоо иштери менен таанышты

Кыргыз Республикасынын Президенти Садыр Жапаров Ош шаарына болгон жумушчу сапарынын алкагында «Эл Пласт» полимердик түтүктөрдү чыгаруучу ишканада болуп, Ак-Буура дарыясынын нугун тазалоо иштери менен таанышты, деп билдирди өлкө башчынын басма сөз кызматы Кубаттуулугу жылына 15 миң тоннага чейин продукция чыгарган “Эл Пласт” ишканасы суу менен камсыздоо жана канализация үчүн түтүктөрдү чыгарат. Завод Россиядан, Ирандан жана Кытайдан келген полиэтилен гранулаларын колдонуп, «Таза Суу» улуттук долбооруна, ошондой эле мамлекеттик органдар менен эл аралык уюмдарга продукцияларды жеткирет Сапардын алкагында мамлекет башчы Ак-Буура дарыясын жакшыртуунун жүрүшү менен да таанышты. Өзгөчө кырдаалдар министри Канатбек Чыныбаев адистер дарыянын 17 чакырым нугунун абалын анализдегенин билдирди. Тазалоо иштерине 24 миллион сом бөлүнүп, 22 даана атайын техника тартылган