Садыр Жапаров активист Адилет Балтабайга ырайым кылды

Кыргызстандын президенти Садыр Жапаров түзөтүү колониясында жазасын өтөп жаткан жарандык активист Адилет Балтабайга ырайым кылды. Бул тууралуу активисттин жубайы Гүлкайыр Жапарова “Азаттыкка” билдирди. Анын айтымында, активист 29-майда бошотулушу керек Адилет Балтабай социалдык тармактарда Кыргызстандын бийлигин сындап, коомдук-саясий окуяларды түз эфирде чагылдырган блогер жана нааразылык акциясынын катышуучусу катары таанымал Активист массалык баш аламандык боюнча соттолгон. 2022-жылдын ноябрында сот аны беш жылга эркинен ажыраткан, бирок жазаны үч жылдык сыноо мөөнөтү менен алмаштырган. Кемпир-Абад окуясына тиешеси барларды колдоо митингдерине катышкандан кийин бийлик Балтабайды сыноо мөөнөтүн бузду деп эсептеген. Кийинчерээк соттор пробациялык көзөмөлдү жокко чыгарып, жазасын колонияда өтөөгө жөнөтүшкөн Балтабайдын жакындары жана тарапташтары анын куугунтукка алынышы жарандык активдүүлүккө жана бийликти сындаганга байланыштуу экенин байма-бай айтып келишет. Активист өзү да кылмыш ишин саясий куугунтук деп атады 2025-жылы Балтабайдын үй-бүлөсү президентке ырайым сурап кайрылган, бирок андан баш тартышкан. Бир нече ай өткөндөн кийин, мамлекет башчысы ошентсе да аны бошотуу боюнча жарлыкка кол койду Балтабайдын кечирилиши укук коргоочулар тарабынан Кемпир-Абад окуясы боюнча нааразылык акциясынын катышуучулары менен активисттерди куугунтуктоо үчүн кыргыз бийлигине карата сын-пикирлер айтылып жаткан учурга туш келди Azattyk Asia © 2026 RFE/RL, Inc. | Бардык укуктар корголгон