Садыр Жапаров аймактардагы студенттерди ротациялоо боюнча жарлыкка кол койду: гранттар, стипендиялар жана жатаканадагы 9 миң орун

Билим АКИpress - Президент Садыр Жапаров «Кыргыз Республикасында студенттердин аймактар аралык мобилдүүлүгүн өнүктүрүү жөнүндө» Жарлыкка кол койду Президенттин басма сөз кызматы билдиргендей, документ Кыргызстандын жарандарынын социалдык жана экономикалык абалына карабастан жеткиликтүү жана сапаттуу билим алуу укугун камсыз кылууга, ошондой эле кадрдык потенциалды чыңдоого жана өлкөнүн аймактарында билим берүү мүмкүнчүлүктөрүн өнүктүрүүгө багытталган Жарлыкка ылайык, Кыргызстанда студенттердин аймактар аралык мобилдүүлүгүн өнүктүрүү мамлекеттик саясаттын артыкчылыктуу багыттарынын бири катары аныкталган Министрлер кабинетине студенттердин региондор аралык мобилдүүлүгүнүн программасын иштеп чыгуу жана бекитүү, анда мамлекеттик гранттарды аймактык балансты эске алуу менен бөлүштүрүүнү, программанын катышуучуларын стипендия менен камсыздоону, студенттерди ички аба транспорту менен камсыздоону, ошондой эле зарыл болгон учурда жана каражаттардын өздөштүрүлүшүн эске алуу менен этап-этабы менен 9 миң орундуу жатаканаларды курууну камсыздоо тапшырылды Мындан тышкары жатаканаларды спорт аянтчалары, ашканалар, окуу борборлору жана керектүү инфраструктура менен жабдуу пландалууда 2027-жылга республикалык бюджеттин долбоорун жана пландаштыруу мезгилин түзүүдө студенттердин стипендиясын жана жол кире акысын төлөөгө каражаттарды кароо тапшырылды. Жатаканаларды куруу Кыргызстандын мыйзамдарында тыюу салынбаган булактардан ишке ашырылат