Эртеңден баштап “Камсыздандыруу тарыхынын коэффициенти” колдонулат

Азербайжан Республикасынын Борбордук банкы тарабынан автотранспорт каражаттарынын ээлеринин жарандык жоопкерчилигин милдеттүү камсыздандыруу эрежелерине киргизилген өзгөртүүлөргө ылайык, 16-июндан тарта колдонуудагы “Бонус-Малус” системасы жокко чыгарылып, жеке жоопкерчилик принцибине негизделген “Камсыздандыруу тарыхы коэффициенти” колдонулат Милдеттүү камсыздандыруу бюросунан AZERTACга билдиришкендей, жаңы системага ылайык, жол кырсыгына байланыштуу камсыздандыруу тарыхына таасир этүүчү натыйжалар мындан ары камсыздандыруу келишимин түзгөн адамга эмес, түздөн-түз транспорт каражатын иш жүзүндө башкарган айдоочуга байланыштуу болот. Ошентип, камсыздандыруу келишими кимдин атынан түзүлгөнүнө карабастан, жол кырсыгы автоунааны иш жүзүндө башкарып жаткан адамдын камсыздандыруу тарыхына таасирин тийгизет Жаңы моделде "Бонус-Малюс" системасында болгон татаал класстар жана категориялар жоюлуп, жөнөкөй пайыздык механизм колдонулат. Ошентип, эгерде камсыздандырылган адам кырсыкка учурабаса, ар бир 275 кокустуксуз камсыздандыруу куну учун 5 процент жецилдик алат. Тескерисинче, эгерде ал жол кырсыгына себепкер болсо, анын камсыздандыруу тарыхынын коэффициентине ар бир окуя үчүн кошумча 30 пайыз кошулат Өзгөртүүлөргө ылайык, мурда транспорт каражатын башкарган адамдардын саны 1ден көп болгон учурда колдонулуп келген 1,15 тобокелдик коэффициенти эми транспорт каражатын ээси менен бирге башкарган адамдардын саны 5 же андан көп болгондо гана колдонулат. Автоунааны бир нече адам колдонгондо, камсыздандыруу төгүмдөрүн эсептөөдө ошол айдоочулардын ар биринин камсыздандыруу тарыхы эске алынат Юридикалык жактар үчүн камсыздандыруу тарыхынын коэффициенти туруктуу 1 деңгээлинде сакталат. Бирок транспорттук каражат такси ишмердүүлүгү үчүн пайдаланылган учурларда юридикалык жактын камсыздандыруу тарыхы да түзүлөт жана кырсык болгон же болбогонуна жараша ошол коэффициентке тиешелүү жеңилдиктер же толуктоолор колдонулат Жаңы моделдин негизги артыкчылыгы - камсыздандыруу тарыхынын адам менен түз байланышы. Бул ыкма системанын ачык-айкын жана акыйкат иштешине, тобокелдиктерди так баалоого жана айдоочулардын коопсуз жүрүм-турумуна көмөктөшүүгө кызмат кылат 2026 © AZERTAC. Автордук укук корголгон. Маалыматты колдонуу гипершилтеме менен көрсөтүлүшү керек