2027-жылдан баштап мектептеги тамак-ашты каржылоо бир окуучуга күнүнө 40 сомго чейин көбөйтүлөт

Билим АКИpress - 2027-жылдын 1-январынан тарта мектеп окуучуларынын тамак-ашын каржылоо бир окуучуга күнүнө 40 сомго чейин көбөйтүлөт. Тиешелүү чечимди президент Садыр Жапаров кабыл алганын президенттин маалымат кызматы билдирди Учурда 1-4-класстын окуучуларынын тамак-ашы республикалык бюджеттен бир окуучуга күнүнө 14 сом өлчөмүндө каржыланат «Стандартты 40 сомго чейин көтөрүү рационго эт жана балык тамактарын, сүт азыктарын көбүрөөк киргизүүгө, жашылча-жемиштердин ассортиментин кеңейтүүгө, тамак-аштын түрлөрүн көбөйтүүгө, ошондой эле белоктордун, майлардын жана углеводдордогу тамактануунун балансын жогорулатууга мүмкүндүк берет Мындан тышкары, мамлекет башчынын бул чечими өлкөнүн аймактары ортосундагы окуучулардын тамак-ашын уюштуруудагы айырмачылыктарды азайтууга, ошондой эле үй-бүлөлөргө кошумча каржылык жүктү азайтууга жардам берет», — деп айтылат маалыматта Финансы министрлигине 2027-жылдын 1-январынан тарта мектептерде тамактануунун жаңы стандартын каржылоо үчүн зарыл болгон бюджеттик каражаттарды кароо тапшырылды