Бишкекте 1-июлдан тарта түнкү автобустар иштей баштайт

1-июлдан тарта Бишкекте түнкү автобустар иштей баштайт. Бул тууралуу “Бишкек шаардык транспорт” муниципалдык ишканасынын директору Талантбек Капаров “Биринчи радионун” түз эфиринде билдирди Ал 1-июлдан тарта муниципалдык транспорт толугу менен накталай эмес төлөмдөргө өтөөрүн эске салды. Ошол эле учурда каттамдарга түнкү автобустар да чыга баштайт "Буга чейин Асанбай кичи району - Манас аэропорту түнкү каттам ачылган. Башка каттамдарга да түнкү автобустарды чыгарабыз, алар 40 мүнөттүк интервал менен каттайт. Автобустар саат 22:00дөн 05:00гө чейин иштейт. 1-июлдан тарта пилоттук режимде жүрө баштайт", - деди ал