Орустардын Запорожьеге чабуулунан каза болгондордун саны 12 адамга жетти

Украинанын Запорожье облусуна бүгүн Орусиянын аба күчтөрүнүн соккусунан каза болгондордун саны 12ге жетип, дагы 37си жараат алды Бул тууралуу Украинанын президенти Владимир Зеленский Telegram-каналында билдиргенин "Репорт" жазды "Бул шаардын жарандык инфраструктурасына башкарылган аба бомбалары менен жасалган соккулар болду. Бул эч кандай аскердик мааниси жок теракт. Орусиянын биздин шаарлар менен айылдарыбызга жасаган чабуулдары бир күн да токтобойт. Бул соккудан эле 12 адам каза болду", — деп жазган ал Анын айтымында, Орусиянын куралдуу күчтөрү 5-май күнү кечинде да Днепрге сокку уруп, алдын ала маалымат боюнча төрт адам набыт болгон Украинанын Запорожье облусуна бүгүн орусиялык аба соккусунун натыйжасында каза болгондордун саны 9 кишиге жетти, 2 адам жараат алды Бул тууралуу Украинанын Өзгөчө кырдаалдар боюнча мамлекеттик кызматы Telegram-каналына жарыялады Белгиленгендей, өрт өчүрүүчүлөр жана куткаруучулар сокку урулган жерлердеги бардык өрттөрдү өчүрүштү "Мамлекеттик өзгөчө кырдаалдар кызматынын психологдору 38 адамга жардам көрсөтүштү, анын ичинде алты бала жана эки чоң адам", - деп кошумчалашты мекемеден Окуя болгон жерде бардык тез жардам кызматтары иштеп жатат. Куткаруу иштери уланууда Белгилей кетсек, бүгүн Орусиянын куралдуу күчтөрү Украинанын бир катар аймактарына сокку уруп, натыйжада бир нече адам набыт болгон Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат