Расмий Тегеран АКШнын ирандык танкерлерге жасаган чабуулун айыптады

Ирандын Тышкы иштер министрлиги (ТИМ) америкалык аскерлердин Каск портуна жана Ормуз кысыгына жакын жерде Ирандын эки танкерине кол салышын айыптады АПАнын Тегеран кеңсесинен алынган маалыматка караганда, Ирандын Тышкы иштер министрлиги билдирүү жасап, бул кол салуулар ок атышпоо келишимин жана БУУнун Уставын ачык бузуу экенин белгиледи Иран армиясынын бул кол салууларга жооп кайтарганы жана экинчи тараптын максаттарына жете албаганы белгиленди Ирандын Тышкы иштер министрлиги америкалык расмий өкүлдөрдүн позициясын сынга алып, Вашингтондун Перс булуңунда жана Оман деңизинде аскерий турушу аймактагы коопсуздукка кызмат кылбай, тескерисинче туруксуздукту күчөтөөрүн баса белгиледи Расмий Тегеран БУУнун баш катчысын жана Коопсуздук кеңешин өз милдеттерин аткарууга чакырды "Иран регионалдык мамлекеттерди чет элдик күчтөрдүн кийлигишүүсүнөн алыс, өз ара ишенимге негизделген коопсуздук механизмин түзүүгө чакырат", — деп айтылат билдирүүдө