Расмий Тегеран: АКШ менен келишим акыркы келишим эмес, өзөктүк маселе талкууланбайт

Америка Кошмо Штаттары менен суйлешуулердун азыркы этабында бардык фронттордо согушту токтотууга негизги кецул бурулууда Бул тууралуу Ирандын Тышкы иштер министрлигинин басма сөз катчысы Исмаил Багай билдирди «Мурунку тажрыйбаны эске алып, азыркы этапта негизги көңүл бардык фронттордо, анын ичинде Ливанда да согушту токтотууга бурулуп, ядролук маселени талкуулабоо чечими кабыл алынды», - деди Багай Анын айтымында, учурда талкууланып жаткан документ Иран менен АКШнын ортосундагы акыркы келишим эмес: «Бул Иран менен АКШнын ортосундагы акыркы келишим эмес, тескерисинче, талаштуу маселелердин жалпы алкагын аныктаган жана согуштун бүтүшүн көрсөткөн келишим» Тышкы иштер министрлигинин басма сөз катчысы өзөктүк программага байланыштуу маселелерди кийинки этапта талкуулоо пландалып жатканын белгиледи: "Өзөктүк маселе да 60 күндүн ичинде талкууланышы пландалууда. Ошондуктан азыркы этапта анын чоо-жайы боюнча эч кандай талкуу жок" Ирандын Тышкы иштер министрлигинин расмий өкүлү Ирандын кемелерине кол салуулар жана Ормуз кысыгына байланыштуу маселелер дагы сүйлөшүүлөрдө талкуунун предмети экенин баса белгиледи Ошол эле учурда Багай кошумчалагандай, эгер экинчи тарап өз милдеттенмелерин аткаруудан баш тартса, Иран жооп чараларын көрөт: “Милдеттенмелер өз ара негизде аныкталат, эгерде экинчи тарап кандайдыр бир баскычта өз милдеттенмелерин аткаруудан баш тартса, Иранга жооп чараларын көрүү укугу берилет”