Еревандын ЕБ менен жакындашуу саясатынын фонунда Орусия Армениянын ЕАЭБге мүчөлүгүн тоңдурууга уруксат берди

Орусия жана Евразиялык экономикалык биримдиктин башка өлкөлөрү Армениянын ЕАЭБге мүчөлүгүн токтотуу механизмин карашы мүмкүн. Бул тууралуу РФнын вице-премьер-министри Алексей Оверчук билдирди Анын айтымында, декабрь айына чейин ассоциациянын мүчөлөрү ЕАЭБ боюнча учурдагы келишимде мүчөлүгүн убактылуу токтотуунун же бир мамлекетти биримдиктин курамынан чыгаруунун жол-жобосу каралбаганына карабастан, тиешелүү механизмди түзүү мүмкүнчүлүгүн изилдөөнү пландаштырууда Бул билдирүү Арменияда 7-июнга белгиленген парламенттик шайлоого бир нече күн калганда жасалды. Орус чиновниги Москванын мындан аркы кадамдарын добуш берүүнүн жыйынтыгы жана Еревандын тышкы саясий курсу менен байланыштырды "Эгерде европачыл күчтөр жеңишке жетсе, Армения Евробиримдикке карай жылып жатат. Анан чындап эле тиешелүү чараларды көрүү керек болот", - деди Оверчук Акыркы жылдары Москва менен Ереван ортосундагы мамиле премьер-министр Никол Пашиняндын өкмөтүнүн Евробиримдик менен кызматташууну өнүктүрүү жана Орусиянын интеграциялык түзүмдөрүнө болгон көз карандылыгын азайтуу каалоосунун шартында чыңалган бойдон калууда Ката тапсаңыз, тексттин бир бөлүгүн тандап, Ctrl+Enter баскычтарын басыңыз